林保怡Husky
動物蘋台 Apple Petform FB：【父親節特約：林保怡攬雪橇 相依為命】
林保怡父親去年11月因肝病逝世，今個父親節，就剩下他與8歲雪橇犬阿水「兩父子」相依為命。阿水去年10月因為椎間突出，導致下肢癱瘓，險人道毀滅，但保怡未肯放棄，在醫生努力搶救及保怡悉心照顧下，阿水總算康復過來。日前，保怡帶阿水到狗餐廳慶祝父親節，阿水不時跑來跑去，見到保怡捧住父親節蛋糕時，更興奮到不停擺尾，然後兩、三啖便KO整個蛋糕，可見牠精神及健康狀況相當不俗。
全文：http://bit.ly/1H5RcAT
截自 苹果日报：
Vivian卓卉勤 FB：…..
「無論環境順逆、健康疾病，我都會愛護你、照顧你一生一世。」愛侶之間如是，主人與寵物的關係更應如此。寵物不單是玩伴，吃喝玩樂以外的生活，都是主人要負的責任，只是有幾多對能持續愛到幾多歲？林保怡的7歲雪橇犬阿水，去年10月突然下肢癱瘓，險些從此陰陽相隔，幸運地得到上天眷顧，雖未至於完全康復，但仍能站起來、走出去，對保怡來說已經心滿意足。
「嗰個時候要選擇，打唔打嗰針（人道毀滅）係我決定，因為醫生同我講，阿水下半身嘅器官可能會慢慢衰竭，咁啱爸爸當時又入咗醫院，嗰時心情真係好差，不過我地好好運，喺黃金12小時內帶佢去診所，所以先無事。」保怡憶述事發當日，阿水的狀態毫無預兆：「佢突然好似人咁坐喺度，只係得前爪有力撐住自己，醫生話佢椎間突出，一級係最輕微，五級係最嚴重，但原來佢已經係六級，因為佢有三處突出，好彩，做完磁力共震，平日睇開嗰個醫生又返咗，可以即時做手術。」當日手術做了三小時，阿水的背部從此多了長長的疤痕，但亦因此令保怡與阿水的關係更加親近。
保怡謂：「呢個係責任，唔係覺得隔離邊個隻狗得意我又要養，係一世，因為狗嘅生命好短。自己養之前都諗咗個幾兩個月，本來唔係想帶佢返屋企，之前見到另一隻雪橇，個頭有三把火，決定去買佢嗰日就被人買咗，之後行下行下就遇到阿水。」從此阿水就是保怡的心頭肉，完成手術後，阿水要留在診所兩星期，他說：「我嗰時要去上海拍戲，都要拍飛機返黎睇佢，啲醫護人員同我講『你隻狗好惡』，次次見到都同佢打針，所以佢先唔鍾意，其實佢平日好善良、好癡人。仲記得佢初初大小便失禁，到我又要走佢就喊，真係好心痛。」
住院兩星期後，阿水終於可以回家，但仍然以前爪支撐身體，直到再兩星期後：「嗰日同佢覆完診返屋企，突然見佢後腳可以企起身，感覺就好似睇電影，見到坐輪椅病人突然自己起身行一樣，真係好開心。雖然佢而家會好易攰，行行下會跌，但係已經好滿足。」自此之後，阿水由硬漢變得嗲聲嗲氣，訪問期間總是纏在保怡身邊，半步都離不開。保怡說：「佢見到我返屋企，條尾好似直昇機咁擺，仲會同我傾計，起碼要講5分鐘。」保怡透露明時在家彈結他，阿水會為他和唱：「佢會側住個頭望住我，之後就吠吠吠咁，好好笑。」
Loading ...